Шпанија Барселона потврди дека капитенот Карлес Пујол ќе паузира од седум до десет дена поради повреда на задната ложа

Каталонците вчера се вратија на тренинзите но Пеп Гвардиола не можеше да смета на својот капитен Карлес Пујол.

Од таборот на Барселона информираат дека централниот дефанзивец забележал ситни проблеми кога настапувал во дресот на Каталонија на средбата против Хондурас во вторникот.

Па затоа вчера врз Пујол биле извршени серија тестови кои покажале ситна повреда на задната ложа на десната нога.

Според официјалната веб страна на Барселона, шпанскиот интернационалец ќе паузира од седум до десет дена.

Доколку средбата со Леванте на стартот од сезоната се одигра според планот, Пујол нема да биде подготвен за настап а дефанзивецот ќе биде и во трка со времето за реванш средбата од Копа дел Реј против Атлетико Билбао.

Powered by: 24 FUDBAL.com.mk