Италија Хавиер Пасторе вели дека ги одбил Барселона, Реал Мадрид и Челзи затоа што верувал дека не е подготвен за клуб од топ ниво

21 годишниот аргентински интернационалец важи за еден од најголемите надежи во светот на фудбалот и со одличните перформанси го привлече вниманието на многу клубови.

Но Палермо нема лесно да се откаже од Пасторе и претседателот на клубот, Маурицио Зампарини го вреднува плејмејкерот од 50 до 70 милиони евра.

Пасторе, кој неодамна го обнови договорот со Палермо до 2015, во интервју за една радио станица од Аргентина изјави дека одбил преселба во Барселона, Реал Мадрид и Челзи.

За Cadena 3, поранешниот играч на Уракан рече: “Можам да потврдам дека Барселона, Челзи и Реал Мадрид се интересираа за мене, но сеуште ми недостасува нешто за да се преселам во клуб од такво ниво.”

“Добро ми е во Палермо и постојано се унапредувам тука. Додатно, љубовта на фановите кон мене е фантастична.”

“Имам само 21 година и треба да поминам уште сезона или две во Палермо.”

“Сигурен сум дека ќе ми се укаже можност во иднина.”

Powered by: 24 FUDBAL.com.mk