Италија Масимо Морати ги објаснува причините за отказот на Рафа Бенитез, вели дека успесите и хиерархијата во тимот создадени од Мурињо имале негативно влијание врз поранешниот тренер на Ливерпул.

Рафа Бенитез не успеа да излезе од сенката на Жозе Мурињо, неговиот Интер беше далеку од тимот кој ја освои тројната круна во изминатата сезона.

По само една полусезона на кормилото на Интер, Рафа Бенитез доби отказ.

Претседателот, Масимо Морати смета дека и влијанието врз тимот кое го имаше Мурињо, му создаде дополнителни проблеми на Рафа Бенитез.

"Дали хиерархијата на Мурињо му создаваше тежина? Да, тоа му создаваше тежина на Бенитез" - изјави Морати за La Stampa.

"Можевте да забележите дека тој го чувствуваше тоа и често зборуваше за тоа, можеби го користеше за правдање".

"Леонардо е друга личност и на него нема да влијаат спомените од Мурињо".

Се чини дека на Бенитез му беше дадено време да ги сврти работите во позитивна насока, но неговата изјава "поддржете ме или отпуштете ме" беше кобна за неговата работа.

"Довербата никогаш не вроди со плод, дури и кога резултатите беа лоши ние секогаш му дававме поддршка".

"Секогаш го поддржувавме и се надевавме дека ќе остане иако тимот не играше според нашите очекувања".

"Интер сега мора да го врати духот, довербата, пасијата и резултатите. Одлуката да го ангажираме Леонардо беше базирана на нашата почит кон него, висхитот кој што се зголемуваше со текот на времето".

Powered by: 24 FUDBAL.com.mk