Англија Парк Џи Сунг очекува Манчестер Јунајтед сеуште да биде на врвот од Премиер Лигата кога тој ќе се врати од интернационална должност

Играчот од средниот ред ќе настапи против Сандерленд на Боксинг Деј и потоа ќе и се приклучи на селекцијата на Јужна Кореја за Купот на Азија што следниот месец се игра во Катар.

29 годишниот Парк беше стрелец на единствениот погодок на средбата помеѓу Манчестер Јунајтед и Арсенал со што му овозможи на својот тим да освои три бода и да дојде на првото место на табелата во пресрет на зафатениот распоред за Божиќ.

Сега Парк, кој нема да му биде на располагање на Ферги околу еден месец, очекува Манчестер Јунајтед сеуште да биде на врвот кога тој повторно ќе се врати на Олд Трафорд.

“Силно верувам дека Јунајтед сеуште ќе биде на позицијата број 1 кога ќе се вратам.” – рече Парк. “Не се сомневам дека ќе бидеме на истата позиција на која се наоѓаме и во овој момент.”

“Играњето за националниот тим е голема чест но ќе пропуштам неколку средби на Јунајтед, што е прилично разочарувачки.”

“Но Манчестер Јунајтед има доволно голем состав да биде силен и верувам дека клубот ќе забележи добри резултати и без мене.”

Тој потоа додаде: “Ќе внимавам на резултатите на Јунајтед. Многу фудбалери од Јужна Кореја се интересираат за Премиер Лигата.”

“Ти ме прашуваат каков е животот таму, па се обидувам да им дадам одговор.”

Се говори дека наскоро Парк Џи Сунг ќе соопшти дека става крај на интернационалната кариера.

“Во моментов не можам да кажам ништо. Можеби ќе можам да кажам нешто по Купот на Азија.”

Powered by: 24 FUDBAL.com.mk