Англија Менаџерот на Ливерпул, Рој Хоџсон инсистира дека Фернано Торес наскоро ќе започне да ги тресе противничките мрежи

Шпанскиот интернационалец има пет погодоци зад своето име во Премиер Лигата оваа сезона но не успеа да се запише во листата на стрелците на последните четири натпревари.

Торес пропушти неколку добри шанси за погодок на средбата со Њукасл, натпревар кој Ливерпул го загуби со 3-1 но менаџерот на Црвените, Рој Хоџсон е убеден дека напаѓачот наскоро ќе влезе во голгетерска форма.

“Цела сезона немаме среќа пред противничкиот гол – мислам дека бројот на постигнати погодоци не е во фер соодност со шансите кои ги креиравме.”

“Имавме многу шанси, креиравме добри прилики но не реализиравме онолку колку што требаше.”

“Играчите се свесни за ова бидејќи имаме голгетери во тимот и тоа еден од најдобрите во Европа во името на Фернандо Торес.”

“Не треба да го потсетувате кога ќе промаши шанса за погодок. Можам да се обложам дека тој ги памети сите шанси што ги промашил во последните три или четири месеци, бидејќи тие остануваат во меморијата на луѓето.”

“Најважно е вашите играчи да продолжат да се наоѓаат на правото место и доколку можеме да му овозможуваме на Фернандо шанси за погодок, сигурен сум дека тој ќе постигнува погодоци.”

Powered by: 24 FUDBAL.com.mk