Јужна Америка Диего Марадона се закани со тужба против претседателот на Фудбалската Федерација на Аргентина, ХулиоГрондона

Двајцата не се во добар однос откако по крајот на Светското Првенство, Грондона реши да не го обнови договорот на Марадона како селектор на Аргентина.

Од тогаш па наваму, Марадона и Грондона меѓусебно си упатуваа голем број навреди преку медиумите.

Во нивната последна преписка, Грондона во четвртокот возврати на нападите на Марадона, кој го опиша 79 годишниот претседател на ФФА како ’сенилен човек’.

“Не сум сенилен, не сум ни поткажувач и никогаш нема ни да бидам.” – рече Грандона.

“Еден ден тој (Марадона) ве сака, но веќе следниот ве мрази. Има причини поради ваквото однесување и сите ги знаеме.” – додаде Грандона, алудирајќи на долгорочната битка на Марадона со дрогата и алкохолот.

Поради ваквите изјави на првиот човек на ФФА, Марадона најави дека ќе покрене судска постапка.

“Нема повеќе да зборувам за Грондона.” – рече вчера Марадона. “Директно ќе одам да се видам со моите адвокати и да започнеме судски процес по сето она што тој го рече.”

“Тој загуби контрола.”

“Немам земено ништо веќе шест години, ниту чаша вино.”

Powered by: 24 FUDBAL.com.mk