Италија Тиаго Силва инсистира дека Роналдињо би сакал да остане во Милан и покрај тоа што постигнал договор со Гремио.

Играчот на Милан се согласи на договор за враќање во Гремио, сега единствено треба да се преговара околу заминување од ’Росонерите’, но неговиот соиграч Тиаго Силва инсистира дека 30 годишниот играч сака да остане во Милан доколку тоа е возможно.

Бразилскиот плејмејкер го изгуби местото во првиот состав, започнувајќи на само 1 од последните 10 натпревари во сите натпреварувања, тој е ’жртва’ на реформите на тренерот Алегри.

’’Роналдињо сака да остане со нас, го знам ова.’’ - изјави Силва за Skysports.

’’Исто така знам дека тој сака да игра, играше добро минатата година и започна доста добро во оваа. Одлуката зависи од директорите и тренерот, јас мислам само на играње.’’

И покрај што на поранешниот играч на Барселона му се заканува заминување, централниот дефанзивец верува дека новото засилување Антонио Касано ќе му помогне на тимот.

’’Касано? Тој е силен играч со искуство и може да работи добро со нас.’’

Powered by: 24 FUDBAL.com.mk