Англија Роберто Манчини вели дека нема проблем со преголемата самодоверба што ја има Марио Балотели но побара од напаѓачот да покаже на теренот дека само Меси е подобар од него

Пред неколку дена Супер Марио во избор на Tuttosport беше прогласен за најдобар млад фудбалер во Европа пред Џек Вилшер од Арсенал.

Кога Балотели се заблагодаруваше за оваа награда, покрај тоа што рече дека не знае кој е Џек Вилшер, нагласи дека само Лионел Меси е подобар фудбалер од него.

Роберто Манчини вели дека нема проблем со ваквата голема самодоверба на Балотели но менаџерот на Манчестер Сити го повика италијанскиот интернационалец на теренот да покаже дека само Меси е подобар од него.

“Добро е кога фудбалерот има самодоверба и верба во свите способности.” – рече Манчини.

“Марио Балотели има се што е потребно за да стане еден од најдобрите фудбалери во светот.”

“Но тој мора да се подобрува и да покаже што може долу на теренот.”

“Само доколку игра добро на секој натпревар, луѓето ќе можат да ги видат неговите способности. Се зависи од него.”

“Премиер Лигата е многу поразлична од Серија А. Марио мора да разбере.”

“Доколку навистина го мисли она што го вели тогаш мора истото да го покаже на секој натпревар.”

Powered by: 24 FUDBAL.com.mk