Италија Интер потврди дека е постигнат договор со Рафаел Бенитез за раскинување на договорот

Агентот на Рафаел Бенитез вчера потврди дека е во преговори со управата на Интер за раскин на договорот на неговиот клиент со што ги потврди шпекулациите на медиумите дека Шпанецот ќе добие отказ по само шест месеци поминати на Џузепе Меаца.

Мануел Гарсија Килон утрово повторно пристигна во канцелариите на Интер за да продолжат преговорите и двете страни ги договорија условите под кои ќе престане соработката.

Интер на својата официјална веб страна, иако без да открива детали, потврди дека е постигнат договор со Бенитез за раскинување на договорот.
“Фудбалскиот Клуб Интер и Рафаел Бенитез можат да соопштат дека, со консензус и заедничка согласност, постигнат е договор за предвремен прекин на соработката.” – гласеше соопштението на Интер.

“Интер сака да му се заблагодари на Бенитез за неговата работа и триумфите во Супер Купот на Италија и Светското Клупско Првенство.”

“Рафа Бенитез му се заблагодарува на Интер за важното искуство кое го поминаа заедно како и за заедничките победи.”

Сега во исчекување е и соопштението на Интер за тоа кој ќе биде наследник на Рафа Бенитез, за очекување е Леонардо да биде назначен за нов тренер на Нероаѕурите.

Powered by: 24 FUDBAL.com.mk