Италија Поранешниот селектор на италијанската фудбалска репрезентација, Енцо Беарѕот, кој во 1982 година ги предводеше Азурите до титулата Светски првак, синоќа почина во Милано на 83 годишна возраст.

По играчката кариера која ја помина во Про Горициа, Интер, Катанија и Торино, Енцо Беарѕот тренерската кариера ја започна како асистент на Нерео Роко во Торино, а првата самостојна работа му е водење на третолигашот Прата во 1968.

Веќе следната година станува селектор на италијанската репрезентација до 23 година, а на светските првенства во 1970 во Мексико и 1974 во Германија, е помошник на тогашниот селектор на Азурите Фулвио Бернардини.

Енцо Беарѕот во 1975 станува селектор на Италија, а на таа позиција се задржува се до СП 1986 во Мексико.

Под негово водство, Италија на СП 1978 во Аргентина стигнува до четвртото место, четири години подоцна се случува врвот во неговата кариера кога во Шпанија стигнува до титулата Светски шампион.

Моменти од финалето на СП 1982 во кое Италија ја совлада Западна Германија со 3-1:

Powered by: 24 FUDBAL.com.mk