Шпанија Чави смета дека Жозе Мурињо нема да биде запаметен во историјата на фудбалот бидејќи не е иноватор во играта.

Еден од архитектите на играта на Барселона, Чави смета дека Мурињо не му понудил ништо ново на фудбалот и затоа нема да влезе во историјата.

"Сигурен сум дека Мурињо е голем тренер, но тој нема да влезе во историјата на фудбалот. За да влезете во историјата треба да правите различни работи, тој не донел ништо ново во играта" - изјави Чави за каталонскиот Sport.

"Тоа е нешто што Пеп Гвардиола го направи, ја редизајнира играта како што тоа го правеа Ариго Саки, Фергусон и Кројф, кои исто така донесоа нешто ново".

"Мурињо победуваше бидејќи беше во Челзи и Интер, и јас сум сигурен дека тој е голем тренер, но не донесе ништо ново".

Чави заедно со неговите соиграчи Чави и Иниеста е во конкуренција за наградата Ballon d’Or.

"За мене Меси е најдобар, нема друг. Тој е добра слика за фудбалот, нормално момче, едноставен, скромен со натпреварувачки дух. Меси ми помогна подобро да си ја извршувам работата".

Powered by: 24 FUDBAL.com.mk