Италија Агентот на Рафаел Бенитез, Мануел Гарсија Килон вели дека неговиот клиент сака да продолжи со Интер и додава дека нема закажно средба со претседателот Масимо Морати

Во последните неколку дена медиумите силно шпекулираат дека Рафаел Бенитез ќе добие отказ.

Се најавува дека Интер во следните 48 часа ќе ја донесе конечната одлука и покрај тоа што самиот Рафаел Бенитез вчера изјави дека сеуште е тренер на Интер и е изненаден од сите шпекулации кои кружат.

Попладнево, претседателот на Нероаѕурите, Масимо Морати треба да се врати во Милано од Мадрид каде што имаше деловни обврски кои не се повразани со клубот, и да започнат преговорите помеѓу водечките луѓе на Интер за иднината на Бенитез.

Агентот на Бенитез, Мануел Гарсија Килон вели дека никој од таборот на Интер не му се јавил и додава дека тој нема да има средба со Морати.

За ANSA Килон рече: “Никој не стапил во контакт со мене. Нема да имам средба со Масимо Морати.”

“Бенитез сака да продолжи со својата работа, да биде тренер на Интер и да го подобри тимот.”

Powered by: 24 FUDBAL.com.mk