Англија Марио Балотели вели дека сака да ја освои Премиер Лигата со Манчестер Сити па потоа да се пресели во Милан

Италијанскиот интернационалец изминатово лето се пресели во Истлендс од редовите на Интер, каде што освои три Скудета во низа.

Во дресот на Нероаѕурите, Супер Марио стигна и до титулата во Лигата на Шампионите и напаѓачот сега сака сличен успех и со Манчестер Сити.

“Добро ми е во Манчестер Сити и сакам да триумфирам во Премиер Лигата.” – рече Балотели за Tuttosport.

“Сакам да ја продолжам традицијата која ја имав со Интер каде што ги освоив последните три шампионати во Серија А.”

“Исто така сакам да триумфирам во Лига Европа, трофеј кој никогаш не сум го освоил.”

“Фаворити сме за овој трофеј и јас сакам триумф во ова натпреварување.”

Балотели, кој никогаш не криел дека има симпатии кон Милан, вели дека еден ден ќе го облече дресот на Росоњерите.

Златан Ибрахимович во неколку наврати јавно ја изрази желбата да игра со италијанскиот интернационалец и Балотели очекува да го обнови партнерството со Ибра во иднина.

Балотели додаде: “Ибра треба да продолжи да ме повикува да играме заедно, па еден ден неговата желба ќе биде остварена и јас ќе го носам дресот на Росоњерите.”

Powered by: 24 FUDBAL.com.mk