Шпанија Бојан Кркиќ се сложи да стави потпис на нов договор со Барселона со трајност до 2015

Од таборот на актуелниот шампион на Шпанија информираат дека Бојан Кркиќ се сложил да ја продолжи верноста со клубот за уште две додатни години.

Попладнево во канцелариите на Барселона, младиот напаѓач стави потпис на новиот договор со трајност до 2015 (претходниот истекуваше во 2013).

Кркиќ, кој потекнува од младинската школа на Барса каде што се приклучи кога имаше 11 години, со новиот договор ќе добие поголема плата, а во договорот има и поголема откупна клаузула, која од 80 милиони евра сега е померана на границата од 100 милиони евра.

Новиот договор на Кркиќ од претходно го најави Пеп Гвардиола, кој на денешната прес-конференција рече: “Не треба да заборавиме дека тој е еден од најмладите фудбалери во нашиот состав и веќе долго време е со нас.”

“Доколку Бојан долго време е со нас, тоа значи дека јас имам доверба во него.“
 
“Откако сега Кркиќ го обнови договорот, со нас уште долги години ќе имаме фудбалер со одлична иднина.”

Powered by: 24 FUDBAL.com.mk