Италија Според шпекулациите на медиумите од Италија, Антонио Касано утре ќе потпише за Милан и ќе стави крај на престојот во Сампдорија

Италијанскиот интернационалец нема настап за Сампдорија уште од октомври кога влезе во расправија со сопственикот на клубот, Рикардо Гароне.

Откако Сампдорија не успеа по судски пат да го раскине договорот на Касано и минатата недела арбитражниот панел нареди напаѓачот да биде ре-интегриран во составот, клубот од Џенова започна преговори со Милан.

Двете страни постигнаа согласност а и Касано ги договори своите лични услови но проблем за реализација на трансферот беа 5те милиони евра што Реал Мадрид треба да ги добие од целата зделка.

Според последните извештаи што пристигнуваат од Италија, Сампдорија и Милан, денеска начелно постигнале договор двата клуба (иако некои медиуми велат дека и Касано ќе плати одреден дел) да ја платат клаузулата вредна 5 милиони евра.

Се најавува дека Касано утре ќе пристигне во Милано каде што ќе стави потпис на договорот со Росоњерите, кој официјално ќе стапи на сила на 2ри јануари кога се отвара зимскиот трансфер пазар.

Сампдорија и Милан исто така се договориле Касано да му се приклучи на Милан уште на 27ми декември кога во Дубаи започнува тренинг кампот на актуелниот лидер во Серија А.

Powered by: 24 FUDBAL.com.mk