Лига на Шампиони Менаџерот на Тотенхем, Хари Реднап го опиша дуелот со Милан во правата нок-аут фаза од Лигата на Шампионите како ’фантастичен’ и ’голем предизвик’
Откако во фазата по групи Тотенхем играше против Интер, денешната ждрепка во Нион донесе Хари Реднап и неговите избраници повторно да се вратат во Милано кога следната година ќе продолжат натпреварите од Лигата на Шампионите.
Спарс го добија Милан како противник во 1/8 – финалето и Хари Реднап вели дека средбата со Росоњерите ќе биде фантастична и голем предизвик за нив.
“Ова е одлична ждрепка и знаевме дека ќе биде таква без разлика со кого ќе се падневме.” – рече Реднап.
“Ова е возбудлив натпревар, дуел кој со нетрпение го очекуваме.”
“Милан има фантастичен рекорд во ова натпреварување, тие се први во Италија и имаат многу квалитетни фудбалери.”
“Средбата е голем предизвик за нас.”
“И пред ждрепката реков дека немам ништо против да играме против Милан.”
“Сакате да играте против најдобрите тимови во светот а и фановите сакаат да го видат тоа.”
“Сега имаме шанса да го донесеме Милан на Вајт Харт Лејн за еден голем натпревар.”
Реднап потоа додаде: “Фантастично е тоа што сме инволвирани во Лигата на Шампионите. Нашиот прв сон беше да влеземе во ова натпреварување. Тоа што обезбедивме место во фазата по групи беше одлично.”
“Потоа, да се биде на првото место во можеби најтешката група од сите, беше фантастично.”
Powered by: 24 FUDBAL.com.mk
