Франција Самир Насри успеа да ги победи Флорент Малуда и Хуго Лорис до титултаа Најдобар Фудбалер на Фрацнија за 2010 во избор на магазинот France Football
Ѕвездата на Арсенал не доби повик за настап на мундијалот во Јужна Африка но се чини дека Насри профитираше од дебакалот што го доживеаа Триколорите на СП 2010.
Без никаков товар, Насри одлично ја започна сезоната во дресот на Топџиите и веќе има осум погодоци зад своето име во Премиер Лигата.
Тој исто така се врати и во селекцијата на Франција, која под водство на Лорен Блан се обидува да си го обели образот.
Добрите игри на Насри сега се наградени и од магазинот France Football, откако играчот на Арсенал ги победи Флорент Малуда од Челзи и Хуго Лорис од Лион за да стигне до титулата Најдобар Фудбалер на Франција за 2010.
France Football исто така го прогласи тренерот на Марсеј, Дидие Дешам за Најдобар Тренер на Франција во 2010 а играчот на Рен, Јан Мвила ја доби наградата за Најдобар Млад Фудбалер на Франција во Годината.
Напаѓачот на ПСЖ, Нене беше прогласен за Најдобар Странец во 2010 во шампионатот на Франција.
Powered by: 24 FUDBAL.com.mk
