Останато Напаѓачот на Вердер Бремен, Хуго Алмеида негира дека има договор со Бешиктеш но Мануел Фернадез веќе ги помина лекарските прегледи со тимот од Турција

Бешикташ пред неколку дена ја извести Берзата на Турција дека е во напредни преговори со Атлетико Мадрид и Вердер Бремен за ангажман на Симао Саброса и Хуго Алмеида.

Тимот на Бернд Шустер исто така е блиску до ангажман и на Мануел Фернандез од Валенсија откако Португалецот веќе пристигна во Турција и ги помина лекарските прегледи.

Се шпекулира дека наскоро и неговите сонародници – Симао и Алмеида – ќе го следат во Бешикташ но напаѓачот на Вердер Бремен негира дека има договор за преселба во Турција.

AS го цитира Алмеида како вели: “Понекогаш луѓето измислуваат одредени стории за публицитет, и токму тоа се случува сега.”

“Преговорите со Бешиктеш за кои се пишуваше, се само шпекулации.”

“Имам огромна почит кон Бешиктеш и тие се голем клуб.”

“Но не сум одржал преговори со нив за моја преселба во Турција. Сеуште имам договор со Вердер и сакам да останам тука се до крајот на мојот договор.”

Договорот на Алмеида со Вердер е до 30 јуни 2011 и затоа 26 годишнит напаѓач стана мета на голем број клубови помеѓу кои Лацио, Порто, Спортинг, Реал Мадрид, Валенсија и Бешиктеш.

Powered by: 24 FUDBAL.com.mk