Германија Играчот од средниот ред на Баерн Минхен, Бастијан Швајнштајгер сака да го види Мануел Ноер на Алианц Арената

Првиот голман на селекцијата на Германија подолго време се поврзува со преселба во Баерн Минхен.

Договорот на Мануел Ноер истекува во 2012 и голманот сеуште нема донесено одлука за неговата долгорочна иднина во Шалке.

Швајнштајгер, кој изминатиов викенд ја продолжи верноста со Баерн, признава дека сака да го види соиграчот од репрезентацијата на Германија на Алианц Арена и додава дека Баварците можат само да имаат бенефит од ангажманот на Ноер.

“Во моментов немаме проблем на голманската позиција но со Мануел Ноер, ќе ја имаме можноста да го донесме најдобриот голман на Германија во клубот.” – рече Швајни за ТВ каналот Sport1.

“Јас секогаш сакам во Баерн Минхен да играат најдобрите фудбалери на Германија.”

За својата иднина 24 годишниот Ноер вчера рече: “Претпоставувам дека и следната сезона ќе играм во Шалке.”

“Во моментот кога Шалке ќе ми достават понуда за нов договор, јас најпрво ќе разговарам со нив.”

“Но ништо не е сигурно.”

Покрај Баерн Минхен, за услугите на Мануел Ноер интерес пројавува и Манчестер Јунајтед.

Powered by: 24 FUDBAL.com.mk