Италија Тренерот на Интер, Рафаел Бенитез е оптимист во пресрет на Светското Клупско Првенство, шпанскиот стратег е задоволен од атмосферата во тимот.

Интер утре го започнува настапот на Светското Клупско Првенство, по тој повод Рафа Бенитез денеска оддржа редовна прес конференција.

Шпанскиот стратег е задоволен од атмосферата во тимот, вели дека сите се позитивно расположени и подготвени за игра.

"Првиот натпревар е најважен, па утре ќе настапам без калкулации, со најдобриот тим кој го имам на располагање" - изјави Бенитез на денешната прес конференција.

"Дали тоа би било ризично да играм со оние кои штотуку се вратија од повредите? Јасно е дека тука сме да го освоиме турнирот, а за да го направиме тоа мораме да го добиеме првиот натпревар, тоа е најважно".

"Доколку го добиеме првиот натпревар, тогаш ќе размислуваме на финалето. Изборот ќе се базира врз основа врз нашиот приоритет, да го добиеме првиот натпревар".

"Среќен сум што сега имам повеќе опции. Сите фудбалери работат со полна пареа. Вистина е дека постои задоволство во групата, атмосферата е многу позитивна во пресрет на натпреварот. И од таа причина уверен сум дека ќе успееме".

"Сеуште не знам со кои 11 ќе настапам, а и да знам, нема да ви кажам денеска. Сите одраборија одличен тренинг. Сите се подготвени за игра, утре ќе одлучиме кои ќе бидат стартери".

"Што мислам за нашиот противник? Па, тоа е тим кој помина многу за да дојде до тука, не е лесно да ја освоите Лигата на Шампиони на Азија".

"Тактички тие се добро организирани, имаат квалитет и интензитет, добри се и со топка и без топка".

"Тежок противник се, но ние сме Интер и тука сме со желба за победа. Ги проучивме како тим, не само како индивидуалци, иако имаат некои квалитетни и искусни поединци".

"Дали сме заинтересирани за Тевез? Пред вака важен натпревар не е коректно да зборуваме за фудбалери кои не се тука. Среќен сум со составот кој го имаме и имам верба во моите фудбалери".

Powered by: 24 FUDBAL.com.mk