Англија Блекбурн го отпуштија Сем Алардајс, изненадувачка одлука на раководството на Роверс.

Сем Алардајс доби шокантен отказ од функцијата менаџер на Блекбурн Роверс.

Шпекулациите за отпуштање се појавија веднаш штом групацијата Венки го превзема клубот на 19. ноември.

Се јавиле поголеми недоразбирања помеѓу Алардајс и челниците, тој не бил задоволен од малиот трансфер буџет кој требал да го има во јануари, тие не биле среќни со стилот на игра кој го практикувал искусниот тренер.

"Групацијата Венки, сопствениците на Блекбурн Роверс ФК, потврдуваат дека менаџерот Сем Алардајс и неговиот асистент Неил МекДоналд не се повеќе дел од клубот" - стои во официјалното соопштение.

"Раководењето со првиот тим привремено ќе го превземе Стив Кин".

"Ваквата одлука ја донесовме како дел од нашите пошироки планови и амбиции за клубот".

"Сакаме да му заблагодариме на Сем Алардајс за придонесот кој го даде за Блекбурн Роверс".

Powered by: 24 FUDBAL.com.mk