Англија Карло Анчелоти очекува Френк Лампард да биде целосно фит за средбата против Манчестер Јунајтед во недела

По пауза од речиси три месеци Френк Лампард се врати на терените откако на вчерашната средба против Тотенхем ги одигра завршните 15 минути.

Интернационалец од Англија во прв момент паузираше поради тоа што замина на операција од спортска хернија но потоа неговото враќање во првиот тим беше одложувано во неколку наврати поради повреда на препоните.

Неговото отсуство во тимот на Челзи беше голем проблем за Анчелоти, особено во последните неколку недели кога Сините забележа само една победа на седум натпревари во Премиер Лигата.

Стратегот сега барем има мали причини зошто може да биде расположен бидејќи очекува Лампард да биде целосно фит за дербито со Манчестер Јунајтед и играчот од средниот ред да биде стартер на средбата што во недела се игра на Стемфорд Бриџ.

“Во четврток имаме пријателска средба за него во нашиот тренинг центар, и очекуваме Лампард да биде стартер на следниот натпревар.” – рече Анчелоти.

“Тој рече дека сака повеќе да биде инволвиран во составот, да стартува од клупата и ова е добро за нас.”

“Ова е од голема помош за нас бидејќи Френк е важен фудбалер и тој е способен да се справи со овој момент благодарејќи на искуството и карактереот.”

Powered by: 24 FUDBAL.com.mk