Италија Горан Пандев вели дека сака да продолжи со голгетерската форма и конечно неговотите погодоци да му донесат бодови на Интер

Македонскиот интернационалец во петокот на средбата со неговиот поранешн тим Лацио по девет месеци пауза успеа да постигне погодок во Серија А.

Но голот на Пандев не беше вреден многу за Интер бидејќи Нероаѕурите загубија со 3-1 на гостувањето во Рим.

Сепак погодокот може позитивно да влијае врз формата на Горан Пандев, кој сега се надева дека ќе продолжи да ги тресе противничките мрежи и ќе му носи бодови на Интер.

За Inter Channel Пандев рече: “Рафа Бенитез ми рече дека ќе почнам да постигнувам многу погодоци доколку конечно успеам да ја затресам противничката мрежа.”

“Сега по погодокот на средбата со Лацио ми се симна голем товар, но жално е што погодокот не беше доволен за да избегнеме пораз.”

“Сега се надевам дека ќе продолжам да ги тресам противничките мрежи.”

“Сакам Интер да освојува бодови благодарејќи на моите погодоци.”

Вечерва на средбата против Вердер Бремен на Горан Пандев сигурно ќе му се укаже можност за исполнување на ваквата желба.

Можеби Нероаѕурите не патуваат за Германија со најсилен состав но трите бода се многу значајни за освојување на првото место во Групата А.

Powered by: 24 FUDBAL.com.mk