Англија Менаџерот на Тотенхем, Хари Реднап верува дека би се справил со притисокот да биде селектор на англиската репрезентација.

Договорот на Фабио Капело истекува по завршувањето на Европското првенство во 2012 година, а веќе е јасно дека следниот селектор ќе биде Англичанец.

Генералниот секретар на ФА, Алекс Хорн потврди дека Реднап би бил во трката за наследник на Капело.

Искусниот Хари Реднап кој одлично го води Тотенхем, вели дека би се справил со притисокот да седне на жешкото столче на англиската репрезентација.

"Дали ми е потребен тој стрес? Па го имам и во Тотенхем, зарем не? Секој тренер кој се одлучил да ја работи оваа работа чувствува стрес" - вели Реднап.

"Во оваа работа или уживате или не уживате. Јас уживам, и додека е така, нема да престанам".

"Секако дека селекторската работа не е едноставна. Но, денеска повеќе од било кога се потребни искусни менаџери".

"Алекс Фергусон е исто добар како што беше и порано. Некои луѓе се уморни и на 38 или 40 години, но некои се полни со енергија и на 70. Годините не се критериум".

Powered by: 24 FUDBAL.com.mk