Англија Менаџерот на Стоук, Тони Пулис вели дека капитенот на тимот, Рајан Шоукрос не е на продажба.

Англиските гиганти како Ливерпул и Манчестер Јунајтед сакаат во своите редови да го видат дефанзивецот на Стоук, Шоукрос.

Гласините велат дека Рој Хоџсон го сака Шукрос како замена за повредениот Џејми Карагер.

Неговиот поранешен клуб, Манчестер Јунајтед исто така го следи неговиот развој и се верува дека имале свои претставници на дуелот помеѓу Стоук и Виган каде што била следена играта на Шоукрос.

Но, менаџерот на Стоук, Пулис, вели дека не е под притисок да го продаде својот капитен кој има само 23 години.

"Не сме под притисок да го продадеме Рајан, тој е еден од оние кои претседателот не сака да ги продаде" - вели Пулис.

"Но, доколку добиеме голема понуда од некој клуб, веројатно таа ќе биде разгледана. Но во моментов немаме понуди, и тие не се добредојдени".

"Го гледаме Шоукрос како голем дел од нашата иднина. Тој бележи само прогрес откако е дојден тука и сега е капитен на клубот"

Powered by: 24 FUDBAL.com.mk