Италија Масимо Морати жали што Весли Снајдер нема да може да се бори за Балон д’Ор наградата и чувствува дека плејмејкерот го заслужил овој трофеј

Претседателот на Интер воопшто не беше среќен кога најдобриот стрелец на Интер во минатата сезона, Диего Милито не се најде на првичната листа од 50 фудбалери што беа номинирани за Балон д’Ор наградата.

Морати и фановите на Интер сега доживеаа нов шок откако Весли Снајдер не се најде помеѓу тројцата фудбалери – Иниеста, Чави и Меси - кои ќе се борат за наградата Најдобар Фудбалер во Годината.

“Ова е многу не фер.” – рече Морати. “Минатата сезона за Весли Снајдер беше феноменална, тој ги освои сите трофеи што можат да се освојат.”

“Верувам дека ја заслужува Балон д’Ор наградата.”

“Мислам дека не е фер тоа што наградата ќе се додели, иако се работи за одлични фудбалери, на некој кој немаше исто ниво на перформанси во текот на целата година.”

Запрашан какви се чувствува во пресрет на Светското Клупско Првенство по поразот од Лацио, Морати одгвори: “Чувствата се дека мораме да одиграме добро. Од психолошки аспект се надеваме дека ќе одиграме добро против Вердер Бремен, последниот натпревар пред Светското Клупско Првенство.”

“Потребно е да одиграме добро бидејќи не можеме да си дозволиме да изгледаме лошо во Лигата на Шампионите. Потоа ќе видиме што ќе се случи по Светското Клупско Првенство.”

“Дали следните 20 дена ќе бидат многу одлучувачки за Интер? Ќе одиме натпревар по натпревар... Потоа ќе видиме.”

“Интер се откажал од Серија А? Нема шанси, се обидуваме да играме добро во првенството додека се подготвуваме за куповите па ќе видиме, можеби и резултатите во првенството ќе бидат добри.”

Powered by: 24 FUDBAL.com.mk