Останато ФИФА ја објави скратената листа од тројца фудбалери кои ќе се борат за титулата Најдобар Фудбалер во Годината и победникот ќе се бара помеѓу Иниеста, Чави и Меси
La Gazzetata dello Sport изминатиов викенд објави дека нема да има место за Весли Снајдер на подиумот при доделувањето на Балон д’Ор наградата зошто победникот за оваа престижна индивидуална награда ќе се бара помеѓу триото на Барселона – Иниеста, Чави и Меси.
Светската куќа на фудбалот, која оваа година заедно со France Football за прв пат под заедничко покровителство ќе ја доделеи наградата за Најдобар Фудбалер во Годината денеска ја објави листата од тројца кандидати и како што најавија медиумите, на неа го немаше името на Весли Снајдер.
Холандскиот интернационалец, кој со Интер стигна до историската тројна круна а потоа ја предводеше Холандија до финале на Светското Првенство каде што беше изедначен на врвот на листата на најдобар стрелец, утрово изрази надеж дека барем ќе се најде на поидумот но ниту таквата цел на плејмејкерот нема да се исполни.
Гласањето кое беше спроведено помеѓу капитените и селекторите на националните тимови како и претставници на интернационални медиуми селектирани од France Football ги одбраа Иниеста, Чави и Меси.
Победникот ќе биде соопштен на гала вечерата што ќе се организира во Цирих на 10ти јануари 2011.
Тогаш исто така ќе биде соопштен и добитникот на наградата за Најдобар Тренер во Годината, трофеј кој прв пат ќе се доделува а за него ќе се борат Висенте дел Боске, Пеп Гвардиола и Жозе Мурињо.
На гала вечерта ќе биде соопштен и идеалниот тим според ФИФПро како и наградата Пушкаш за најубавиот погодок.
Powered by: 24 FUDBAL.com.mk
