Италија Адриано Галијани вели дека Милан е подготвен да го ангажира Марио Балотели доколку Манчестер Сити реши да го продаде напаѓачот

Потпретседателот на Милан, Адриано Галијани потврди дека тие се заинтересирани за ангажман на Марио Балотели.

Но една ваква зделка би можела да се случи само доколку Манчестер Сити реши да го продаде италијанскиот интернационалец, кој пристигна во Истлендс во летниот трансфер период и стави потпис на петгодишен договор.

Екс напаѓачот на Интер, Балотели во неколку наврати истакна дека сака повторно да игра со Ибрахимович а и шведскиот интернационалец посака да го обнови партнерството со Супер Марио.

Адриано Галијани додава дека доколку Ибра и Балотели во иднина играат заедно тоа дефинитивно ќе биде во Милан.

“Мислам дека Манчестер Сити нема да сака да го продаде Марио Балотели бидејќи играчот стави потпис на петгодишен договор.” – рече Галијани.

“Но доколку тие решат да го продадат Марио, Милан ќе биде тука да го ангажира.”

“Доколку Ибрахимович и Балотели повторно го обноват партнерството, јас сум убеден дека тоа ќе се случи во Милан.”

Запрашан дали Милан во јануари треба да се засили, Галијани одговори: “Доколку се укаже шанса, ќе пристигне напаѓач. На сите други позиции сме добро покриени.“

“Доколку е можно, ќе пронајдеме напаѓач кој ќе го замени Пипо Инзаги. Во спротивно ќе останеме со сегашниот состав.“

“Оној што ќе пристигне ќе треба да има карактеристики слични на Инзаги бидејќи ни е потребен играч од ваков тип.“

Powered by: 24 FUDBAL.com.mk