Англија Челзи потврди дека е постигнат договор со Реј Вилкинс околку заминувањето на асистент-менаџерот од Стемфорд Бриџ

Неочекувано ’Сините’ решија да се ослободат од асистент-менаџерот на Карло Анчелоти минатиот месец откако актуелниот шампион на Англија одлучи да не го обнови договорот на Вилкинс кој истекуваше дури на крајот од сезоната.

Легендата на Челзи потоа потврди дека бара правни совети околу целата ситуација која ја опиша како ’не фер отпуштање’.

Двете страни продолжија да преговараат под кои услови ќе се раскине договорот, Челзи денеска потврди дека е постигнат ’пријателски’ договор за разрешување на целата ситуација.

Соопштението на официјалната веб страна на Челзи гласеше: “Фудбалскиот Кулб Челзи може да потврди дека е постигнат пријателски договор за разрешување на сите прашања околку заминувањето на Реј Вилкинс од клубот што се случи на 11ти ноември 2010.”

Генералниот извршен директор на Челзи, Рон Гарлеј рече: “Задоволен сум што можам да соопштам дека стигнавме до лесен и пријателски договор со Реј Вилкинс и сите нерешени прашања сега се решени.”

“Сакам да ја искористам оваа прилика за да му се заблагодарам на Реј за она што го направи за клубот и му посакувам се најдобро во иднина.”

Powered by: 24 FUDBAL.com.mk