Шпанија Поради повреда на скочниот зглоб, Кристијано Роналдо е под знак прашалник за средбата на Реал Мадрид против Валенсија

Фудбалерите на Реал Мадрид денеска се вратија на тренинг по дебаклот што во понеделникот го доживеа на Камп Ноу и поразот на Ел Класико со високи 5-0.

На денешниот тренингот не се појави Кристијано Роналдо, кој поради повреда на скочниот зглоб, работеше во теретаната.

Од таборот на Реал Мадрид велат дека CR7 има воспаление на тетивата во десниот скочен зглоб.

Па затоа интернационалецот од Португалија ќе добива медицински третман и физиотерапија.

Состојбата на Роналдо ќе биде надгледувана во следните 24-48 часа со што играчот е под знак прашалник за средбата со Валенсија, која се игра во сабота.

Реал не сака да ризикува со својата главна ѕвезда па затоа Роналдо утре нема да патува за Цирих каде што требаше да ја поддржи кандидатурата на Португалија и Шпанија за организирање на Светското Првенство во 2018 и 2022.

Од Мадрид исто така пристигнуваат информации дека врз Гонзало Игуаин денеска ќе бидат извршени серија тестови со цел да се добие подобра слика за повредата на грбот која го мачи интернационалецот од Аргентина.

Се говори дека е можно Гонзало Игуаин да замине на операција.

Powered by: 24 FUDBAL.com.mk