Централниот дефанзивец на Валенсија, Раул Албиол признава дека е заинтересиран за преселба во голем клуб од Англија
Валенсија се наоѓа во голема финансиска криза и управата на клубот призна дека ќе биде приморана да продаде голем дел од играчите.
Напаѓачот Давид Виља и играчот од средниот ред Давид Силва се најатрактивните играчи на Лос Че, но и дефанзивецот Раул Албиол е мета на многу клубови меѓу кои Арсенал и Ливерпул.
Шпанскиот интернациналец вели дека во моментов е среќен во Валенсија но признава дека е привлечен од идеата да настапува во Англија.
“Доколку заминам од Валенсија ќе се преселам само во голем клуб.” – рече Албиол.
“Премиер Лигата можеби е перфектно место за мене бидејќи одсекогаш сум бил фан на фудбалот кој се игра таму.”
“Но во моментов сум среќен во Валенсија.”
23 годишниот дефанзивец има уште две сезони од сегашниот договор и се шпекулира дека понуда од 20 милиони евра ќе биде доволана за добивање на неговите услуги.
Спортскиот директор на Валенсија, Фернандо Гомес потврди дека клубови од Англија го следат Албиол но никој нема доставено официјална понуда.
“Ситуацијата не е променете и ќе мораме да продадеме дел од играчите. Знаеме дека неколку екипи од Англија се интересираат за Албиол но немаме добиено официјални понуди.”