Поранешниот спортски директор на Јувентус, Лучијано Моџи верува дека Златан Ибрахимович ќе остане во Интер и додава дека целата ситуација е само заради пари
Токму Моџи го донесе Ибрахимович од Ајакс во редовите на Јувентус но по Калчополи скандалот Швеѓанецот се пресели во Интер.
Во полследните неколку дена голема дебата се покрена околу иднината на напаѓачот откако тој одби да потврди дека и следната сезона ќе биде на Џузепе Меаца.
Моџи верува дека Ибра ќе остане во Интер и додава дека целата оваа работа е само поради тоа што напаѓачот сака да добие поголема плата.
“Каде го гледам Ибрахимович во иднина? Во дресот на Интер. На крајот тој ќе остане, и според мене овде е само прашање на пари.” – рече Моџи.
“Доколку јас бев менаџер во Интер ќе сторев се за да го задржам. Морати нема да дозволи феноменот од Шведска да замине.”
“Зошто Ибра би сакал да замине? Интер е добар тим но она што го нервира е тоа што се треба сам да прави.”
“Во Италија тој секогаш е одлучувачку за тимот. Но во Лигата на Шампионите не е така и затоа е често критикуван.”
“Дали беше тешко да го донесам Златан во Италија? Зделката беше помалку компликувана отколку што сите мислат.”
“Златан беше млад, сакаше да дојде во Јве, му дадовме можност да ги подобри веќе одличните квалитети.“
“Ја разбирам неговата желба да не игра во Серија Б.“