Англија Карло Анчелоти вели дека не го интересираат шпекулациите кои го поврзуваат Пеп Гвардиола со тренерското место во Челзи.

Викендов се појавија гласини кои велат дека Роман Абрамович го посакува Гвардиола како заменик на Карло Анчелоти.

Асистентот на Анчелоти, Реј Вилкинс беше отпуштен на почетокот од месецов, а клубот потврди и дека Френк Арнесен ќе си замине од позицијата спортски директор по крајот од сезоната.

Поранешниот технички директор на Барса, Чики Бегиристан се споменува како наследник на Арнесен, а шпекулациите велат дека Гвардиола би можел да седне на местото на Анчелоти.

Италијанскиот стратег вели дека не го интересираат ваквите шпекулации, тој е посветен само на неговата работа.

"Слушнав за Пеп Гвардиола" - изјави Анчелоти.

"Но, не треба да ме прашувате мене за тоа, тренерот е последен кој дознава такви работи. Не ме прашувајте".

"Ние не се интересираме за тоа. Фокусирани сме само на нашите тренинзи и нашите натпревари".

Анчелоти даде одговор и за гласините за Чики Бегеристан, Италијанецот на шега одговори:

"Не го знам тоа име. Мислам дека беше фудбалер на Барселона порано, но не знам што работи сега".

Powered by: 24 FUDBAL.com.mk