Англија Плејмејкерот на Тотенхем, Рафаел ван дер Варт би можел да паузира еден месец откако заработи повреда на задната ложа на вчерашната средба со Ливерпул
Ван дер Варт на теренот помина само 12 минути и мораше да биде заменет со Џермејн Дефо.
Холандскиот интернационалец се мачи со голем број повреди откако од Реал Мадрид се пресели во Тотенхем и Хари Реднап верува дека настапот на Светското Првенство можно е да има влијание врз фитнесот на плејмејкерот.
Реднап на вчерашната средба со Ливерпул исто така го загуби и Јунес Кабул, кој заработи повреда на колкот, и сега менаџерот на Тотенхем е во исчекување на точните дијагнози од лекарските прегледи.
“Рафа почувствува дека го искина мускулот, па тоа не изгледа премногу добро.” – рече Реднап.
“Јунес пак чувствува дека е можно да го истегна мускулот.”
“Премногу е разочарувачко за Ван дер Варт. Тој постојано заработува мали повреди.”
“Тоа веројатно е така бидејќи ја пропушти подготвителната сезона или пак поради тоа што беше на Светското Првенство и не одигра многу натпревари.”
“Кога вашиот фитнес е на малку пониско ниво тешко ви е да се вратите во право темпо. Тој постојано има некакви ситни повреди.”
Powered by: 24 FUDBAL.com.mk
