Шпанија Цеск Фабрегас вели дека Реал Мадрид е посилен тим во споредба со минатата сезона но се надева дека Барселона ќе победи на дерби средбата во понеделник.

Капитенот на Арсенал, кој потекнува од младинската школа на Каталонците и никогаш не ја криел поврзаноста кон Барселона, посакува токму неговиот поранешен клуб да триумфира во понеделник на првото Ел Класико оваа сезона што ќе се одигра на Камп Ноу.
Во интервју за El Mundo Deportivo Цеск рече: “Како фан на Барселона, сакам Барса да победи.”

“Како професионалец, Ел Класико се гледа како сензационален натпервар во кој клубот ја задржува својата извонредна историја.”

“Реал Мадрид многу се подобри во споредба со минатите сезони. Сега се многу поопасни.”

Цеск потоа продолжи: “Никој не треба да биде изненаден од моите чувства кон Барселона, бидејќи никогаш не сум ги криел.”

“Мојата фамилија се фанови на Барселона, мојот дедо ме носеше на Камп Ноу кога јас имав само еднаипол година, израснав во Ла Масиа, во мојот дом средбата Барселона-Реал Мадрид се доживува како многу специјална забава... ”

“Па затоа велам дека сакам Барселона да слави на Ел Класико, не сакам погрешно да бидам разбран и медиумите лошо да ги протолкуваат зборовите, како што се случувало во минатото.”

Powered by: 24 FUDBAL.com.mk