Шпанија Карим Бензема има пофалби за Жозе Мурињо, вели дека е среќен во Реал Мадрид и не размислува за заминување.

Францускиот интернационалец не импресионираше во Реал Мадрид по трансферот од Лион, напротив, може да се оценат како разочарувачки неговите игри.

И по доаѓањето на Мурињо, Бензема остана на клупата, Португалецот јавно посочи дека напаѓачот треба напорно да работи за да влезе во првиот тим.

Бензема синоќа одигра одличен натпревар, постигна убав гол и имаше значаен допринос во играта на Реал Мадрид.

Тој чувствува подобрување во неговите игри и има пофални зборови за Жозе Мурињо за кој вели дека е поинаков од сите со кои работел.

"Мурињо е тренер кој е многу поразличен од сите со кои претходно имам работено" - изјави Бензема.

"Поминаа само три месеци откако работам за него и напредувам. Тој ми помага да напредувам и да го достигнам моето најдобро ниво".

"Среќен сум тука, зависи од мене дали тој ќе ме одбере да играм. Се чувствувам добро, постигнав гол против Ајакс и дадов неколку добри топки до моите соиграчи".

Powered by: 24 FUDBAL.com.mk