Англија Напаѓачот на ПСВ Ајндховен, Ола Тоивонен ги негира гласините кои го поврзуваат со трансфер во Ливерпул во јануарскиот преоден рок.

Ливерпул долго време се поврзува со Тоивонен, Црвените во летниот преоден рок направија и обид за негов ангажман.

Има информации дека Ливерпул повторно ќе се обиде да го ангажира 24-годишниот офанзивен фудбалер кога ќе се отвори зимскиот преоден рок, но Тоивонен очекува да остане во Холандија.

"Подготвен сум да останам во ПСВ. Го загубивме Афелај и јас немам планови да заминам" - изјави Тоивонен за Aftonbladet.

"Знам дека има клубови кои се интересираат за мене и кои ме следат на секој натпревар, па шпекулациите се нешто со кое што треба да живеам".

"Најважно ми е да играм на секој натпревар, сега го правам тоа и играм за тим кој има шанси да ја освои лигата".

"Би сакал да освојам трофеј со ПСВ. Имаме перфектна хармонија во тимот".

Powered by: 24 FUDBAL.com.mk