Менаџерот на Арсенал, Арсен Венгер одбива да ја прифати фаворитската улога во натпреварот против Виљареал.
Арсенал го доби Виљареал за противник во 1/4 финалето од Лигата на Шампионите.
Иако јасно е дека Арсенал е фаворит на хартија во овој дуел, Венгер ја одбива таа улога.
"Не знам дали Арсенал е фаворит, тоа не е ни многу важно. Верувам дека кога ќе почне натпреварот нема фаворити" - вели Арсен Венгер.
"Шансите се 50/50. Го знаеме Виљареал од полуфиналето во 2006та, имаме искуство со нив".
"Можеби предност е тоа што првиот натпревар го играме на гости".
"Победникот ќе зависи од перформансите на тимот и од тоа кои фудбалери ќе ги имаме на располагање".
"Се надевам дека нема да имаме фудбалери кои ќе се повредат на репрезентативните натпревари кои следат".
"Цеск ќе се врати за две недели, тој повторно тренира со полн интензитет и за време на паузата поради репрезентативни натпревари ќе може уште повеќе да се подготви"
"Тој ќе биде подготвен за натпреварот против Манчестер Сити" - изјави Венгер.
