Лига на Шампиони Рафа Бенитез вели дека тие целат кон три бода од утрешниот дуел со Твенте и очекува тоа да биде прва од многуте победи кои ќе следат

Интер е во криза и се шпекулира дека Рафа Бенитез може да добие отказ доколку Нероаѕурите не слават на дуелот со Твенте во Лигата на Шампионите.
 
Но стратегот не размислува за нешто такво и очекува неговиот тим утре да го завери пласманот во следната фаза.

“Утре не очекува специјален натпревар.” – рече Бенитез на денешната редовна прес-конференција. “Доколку победиме ќе се пласираме во следната фаза.”

“И ние сакаме токму тоа да се случи и тоа зависи од нас. Како и секогаш, секој натпревар зависи од нас.”

“Ова може да биде прва од многуте победи што ќе следат, така го гледам утрешниот натпревар. Јас сум во позитивно расположение.”

“Утрешниот дуел е важен за клубот и за сите нас; тимот е обединет и фудбалерите работат напорно за да победиме.”

“Сите чекаме повредените фудбалери да се вратат, и имаме доверба: сеуште можеме да освоиме многу трофеи, нашите цели не исчезнаа.”

Се шпекулира дека голем дел од фудбалерите не се задоволни од начинот на работата на Бенитез.

“25 години сум во оваа работа, бев во победнички тимови како Валенсија, потоа Ливерпул и сега во Интер. Ги разбирам работите: за мене ова е обединет тим и тим кој сака да победува.”

Запрашан што ќе се случи ако Интер загуби од Твенте, Бенитез рече: “Не размислуваме за пораз, се подготвуваме да победиме.”

Powered by: 24 FUDBAL.com.mk