Лига на Шампиони Сер Алекс Фергусон реши да не ги понесе Немања Видиќ и Рио Фердинанд на гостувањето во Глазгов и дуелот со Ренџерс во Лигата на Шампионите

Дуото од централниот дел на одбраната на Манчестер Јунајтед настапи на пет од последните шест натпревари на ’Црвените Ѓаволи’ но Видиќ и Фердинанд сега ќе го пропуштат дулот со Ренџерс во Лигата на Шампионите.

Дефанзивците денеска нормално тренираа со преостанатиот дел од тимот, но Сер Алекс Фергусон одлучи да го остави искусното дуо во Манчестер.

Во сабота, ’Црвените Ѓаволи’ имаат натпревар против Блекбурн, екипа која игра во добра форма, а потоа следниот вторник е и дуелот со Вест Хем во четврт-финалето од Карлинг Купот, па Ферги верува дека најдобра опција е Видиќ и Фердинанд да одмараат.

Се очекува нивното место во стартниот тим да го завземат Крис Смајлинг и Џони Еванс, кои немаат настапено од дуелот против Вулверхемптон во Карлинг Купот во октомври.

За Шкотска нема да патува ниту Дарен Флечер, кој исто така доби одмор од Сер Алекс.

Powered by: 24 FUDBAL.com.mk