Англија Хери Реднап вели дека Карим Бензема не е нивна трансфер цел и додада дека клубот треба да продаде двајца фудбалери за да може да ангажира нови лица

Менаџерот на Тотенхем е желен да го засили својот тим со еден или двајца фудбалери во зимскиот трансфер период.

Медиумите шпекулираат дека Карим Бензема од Реал Мадрид и Скот Паркер од Вест Хем се фудбалерите кои ги посакува Хери Реднап.

Но стратегот во разговор со talkSPORT негира дека Спарс се обидуваат да стигнат до услугите на Бензема.

“Нема ништо во тоа.” – рече Реднап. “Тој е добар фудбалер, ми се допаѓа, изгледа како прав талент.”

“Но ние не сме доставиле барање за неговите услуги. Дефинитивно во моментов не се случува ништо на оваа тема.”

Реднап потоа продолжи: “Разговарав со претседателот и тој ми рече дека е потребно да продадеме еден или двајца фудбалери доколку сакаме да донесеме нови лица во тимот.”

Powered by: 24 FUDBAL.com.mk