Англија Вејн Руни би можел да се врати на теренот на натпреварот против Виган во сабота.

Вејн Руни би требало да биде решението за проблемите во нападот на Манчестер Јунајтед кои се резултат на слабата форма на Бербатов и прилагодувањето на Хавиер Ернандез.

Бербатов веќе девет натпревари во серија нема постигнато гол, Ернандез има повремени блесоци, но не и константност.

Вејн Руни оваа сезона пропушти 13 од 17 натпревари за Јунајтед, па тимот веќе се навикна да игра без него.

Но тој би требало да биде освежување во нападот и неговиот квалитет да придонесе за повеќе погодоци во мрежите на противниците.

"Вејн имаше добра недела. Тренираше многу напорно и го постигна она што сакавме да го постигне" - изјави Сер Алекс Фергусон.

Интересно ќе биде да се види и како ќе реагираат фановите на неговото враќање, тој нема настапено за Јунајтед по најавата дека сака да си замине од клубот.

Powered by: 24 FUDBAL.com.mk