Италија Рафа Бенитез вели дека има 100% поддршка од претседателот Масимо Морати и додава дека сите треба да работат напорно за Интер да излезе од малата криза
Нероаѕурите во неделата влегоа во нови проблеми откако загубија на градското дерби со Милан.
Медиумите од Италија шпекулираат дека позицијата на Рафаел Бенитез во Интер е неизвесна и веќе се споменуваат имиња на тренери – Леонардо и Спалети – како можни наследници на Шпанецот.
Но Рафаел Бенитез вели дека има 100% поддршка од претседателот Масимо Морати и ги повика сите во клубот да работат напорно за враќање на победнички патеки.
“Разочаран сум од поразот.” – рече Бенитез. “Не можам да го негирам тоа.”
“Сите знаеме дека е потребно да работиме напорно и да понудиме повеќе, сите заедно, од првиот до последниот во клубот.”
“Тука сум во Интер за да победувам – а не за да го подобрам мојот Италијански јазик.”
“Ја чувствувам довербата на претседателот, разговаравме по натпреварот, секогаш работам со него и со Марко Бранка.”
“Сите сме гневни и вознемирени со начинот на кои се одвиваат работите, но сигурен сум дека сите имаме голем глад за победи.”
Powered by: 24 FUDBAL.com.mk
