Англија Арсен Венгер негира дека Никлас Бендтнер не е среќен во Арсенал и додава дека сака да го задржи напаѓачот на Емирати Стадионот

Извештаите на медиумите од Англија говореа дека Бендтнер е загрижен поради малата минутажа што ја добива откако се врати во составот на Арсен Венгер по повредата на препоните.
Интернационалецот до Данска го пропушти вчерашниот дуел со Евертон и тоа само ги подгреа шпекулациите дека Бендтнер ќе побара да биде продаден.

Но Арсен Венгер вели дека извештаите за иднината на напаѓачот се преувеличени и очекува Бендтнер да остане во клубот.

“Го познавам Никлас уште кога тој имаше 16 години и имам добар однос и добри комуникации со него.” – рече Венгер. “Сакам тој да остане.”

“Ми се допаѓа како играч и како личност. Иако не се согласувам со дел од неговите изјави, сакам тој да остане и да биде дел од групата.”

“Сите фудбалер што не играат велат дека сакаат да имаат поголема минутажа. Нема ништо специјално во неговите коментари.

Стратегот исто така открива дека Бендтнер не настапил против Евертон поради ситна повреда и додава дека очекува напаѓачот да не настапи и на пријателскиот натпревар помеѓу Данска и Чешка.

“Тој не беше дел од составот на средбата со Евертон поради мала повреда на препоните.”

“Не знам дали ќе биде дел од селекцијата на Данска.”

“Тие можат да го повикаат и да ја проверат неговата состојба. Јас би преферирал тој да остане тука.”

“Исто така верувам дека и тој преферира да остане со нас.”

Powered by: 24 FUDBAL.com.mk