Италија Џиџи Буфон вели дека му се допаѓа проектот на Јувентус и додава дека планира да остане дел од Старата Дама

Иднината на 32 годишниот дефанзивец е тема на силни шпекулации во последниве недели откако Џиџи Буфон не се појави на официјалната тимска фотографија на Јувентус.
Додатно, голманот кој се опоравува од повреда на грбот, подолго време ги нема посетено своите соиграчи на тренинзите а во саботата иако го следеше дуелот Јувентус-Рома, медиумите од Италија пренесуваат дека ниту пред натпреварот ниту по крајот на средбата, Буфон не се поздравил со тимот.

Манчестер Јунајтед се посочува како можна дестинација за Буфон но италијанскиот интернационалец уште еднаш нагласува дека планира да остане во Торино.

Зборувајќи денеска од прес-конференцијата на која беше претставена новата асоцијација на фудбалери од Италија, Буфон рече: “Планирам да останам во Јувентус, ми се допаѓа проектот.”

Џиџи исто така ја поздрави одлуката на Чезаре Прандели да го повика Марко Сторари од Јувентус во националниот тим.

“Сторари заслужува да биде вратен во националниот тим.”

Изненадувачки, голманот на Јувентус потоа застана и во одбрана на тренерот на Интер, Рафаел Бенитез.

“Не ми се допаѓаат критиките кон Бенитез. Интер во моментов има многу повредени фудбалери.”

Powered by: 24 FUDBAL.com.mk