Англија Пепе Рејна ги отфрла шпекулациите кои велеа дека му соопштил на Рој Хоџсон дека сака да го напушти Ливерпул во јануари и инсистира дека е целосно посветен на клубот

Денеска Daily Mirror објави дека Пепе Рејна, кој ноедамна стави потпис на нов шестгодишен договор со Ливерпул, му соопштил на менаџерот Рој Хоџсон дека сака да замине од Енфилд во јануари.

Но во разговор за официјалната веб страна на ’Црвениет’ Рејна го демантира тоа и вели дека е целосно посветен на клубот.

“И јас го видов весникот кој ги изнесе ваквите сугестии.” – рече Рејна за Liverpoolfc.tv. “Нема ништо вистинито во нив.”

“Му немам соопштено на менаџерот дека сакам да заминам во јануари, ниту пак во некое друго време. Важно е нашите фанови да го знаат тоа.”

“Имам долгорочен договор со Ливерпул и јас сум целосно посветен на клубот.”

“Новиот сопственик минатата недела се сретна со мене и со некои други фудбалери и јас бев среќен со она што тој ми го кажа.”

Рејна, кој има настапено на 18 од 21 натпревар на Ливерпул оваа сезона, потоа додаде: “Целиот состав и персонал работи напорно за да се вратиме во битката за врвот на табелата.”

“Нема да дозволиме нашето внимание да биде нарушено од шпекулациите на медиумите.”

Powered by: 24 FUDBAL.com.mk