Италија Фудбалерите од Серија А се заканија дека ќе штрајкуваат доколку до 30ти ноември не се постигне согласност за новиот колективен договор

Колективниот договор помеѓу Асоцијацијата на Фудбалери од Италија и Серија А со кој на играчите им беа гарантирани одредени права истече изминатово лето и до сега обидите да се постигне согласност за нов колективен договор не вродија со плод.

Фудбалерите од Серија А претходно веќе еднаш се заканија дека ќе штрајкуваат но тогаш беше постигната согласност штрајкот да се откаже откако Серија А даде одредени ветувања за новиот колективен договор.

Но сега двете страни повторно се на различна бранова должина околу предлогот на Серија А со кои фудбалерите кои не се посакувани од клубот да не тренираат со првиот тим или да прифатат трансфер, услови кои унијата на фудбалерите не сака да ги прифати.

Па Асоцијацијата на Фудбалери од Италија сега повторно се заканува со штрајк доколку недоразбирањата не бидат надминати од 30ти ноември.

Нивното соопштение гласеше: “Фудбалерите од Серија А го земаа во предвид однесувањето на Лига Калчо, по одбиениот предлогот од претседателот на ФИГЦ Џанкарло Абете, да се лимитираат само на шест точки преговорите за новиот Колективен Договор, со исклучување на другите две точки (играчите кои се надвор од составот и принудувани трансфери) кои од самиот старт не беа прифатени од Асоцијацијата на Фудбалери од Италија.”

“Затоа е донесена одлука да се штрајкува во знак на протест. Одлуката за тоа во кое коло ќе се одржи штрајкот ќе биде соопштена после 30ти ноември.”

Powered by: 24 FUDBAL.com.mk