Шпанија Првите 100 дена како тренер на Реал Мадрид, Жозе Мурињо ги помина без пораз, со 17 победи од 22 натпревари.

5ти август 2010 беше денот кога Реал Мадрид го одигра првиот натпревар под водство на Жозе Мурињо и забележа победа против Клуб Америка во пријателски дуел.

Од тој датум поминаа 100 дена до 12. ноември, Кралевите остануваат непобедени и по 22 одиграни натпревари.

Во сите тие 22 натпревари (пријателски, лига, куп) Реал Мадрид победи на 17, пет пати одигра нерешено.

Тимот на Мурињо прими само 14 гола или 0,63 по натпревар, додека постигна 51 односно 2,31 по натпревар.

На домашен терен, на Сантијаго Бернабеу, Реал Мадрид ги доби сите девет натпревари, постигна 29 голови, прими само три.

Повеќе од јасно е дека вистинскиот тест за Реал Мадрид на Жозе Мурињо е пред крајот на месецот кога Кралевите и гостуваат на Барселона.

Powered by: 24 FUDBAL.com.mk