Шпанија Висенте Дел Боске го објави списокот на повикани фудбалери за пријателскиот натпревар со Португалија и во селекцијата на Шпанија се враќаат Торес, Чави и Фабрегас

Напаѓачот на Ливерпул Фернандо Торес, играчот од средниот ред на Барселона Чави Ернандез и капитенот на Арселона Цеск Фабрегас ги пропуштија квалификациските натпервари против Литванија и Шкотска минатиот месец поради повреда.

Триото сега се најде во списокот од 23 фудбалери на Дел Боске за пријателскиот натпревар со Португалија што ќе се одигра во Лисабон, исто како и напаѓачот на Барселона, Педро.

Но во тимот нема да има место за дуото на Валенсија, Аритз Адуриз и Пабло Ернандез како и двоецот на Виљареал, Борха Валеро и Бруно Сориано.

Давид Виља на средбата со Португалија ќе има можност да стане најдобриот стрелец во историјата на селекцијата на Шпанија бидејќи напаѓачот на Барселона во моментов има ист број на погодоци – 44 – како и Руал Гонзалез.

Составот на Шпанија:

Голмани: Икер Касиљас, Виктор Валдез, Хосе Рејна;

Одбрана: Раул Албиол, Алваро Арбелоа, Серхио Рамос, Карлес Пујол, Жерард Пике, Карлос Марчена, Хоан Капдевиља;

Среден ред: Чаби Алонсо, Серхио Бускетс, Санти Казорла, Андрес Ињеста, Чави, Хави Мартинез, Цеск Фабрегас;

Напад: Педро, Давид Виља, Давид Силва, Фернандо Љоренте, Фернандо Торес, Хуан Мата.

Powered by: 24 FUDBAL.com.mk