Италија Милан го победи Палермо, Лацио загуби на гостувањето кај Чезена, Росоњерите се нови лидери во Серија А.

Милан е новиот лидер во Серија А откако го победи Палермо, а Лацио загуби на гостувањето кај Чезена.

Росоњерите славеа со 3-1 против незгодниот тим на Палермо.

Натпреварот го отвори Пато по 19 минути игра, Палермо израмни преку Бачиновиќ во 63та минута од натпреварот.

Водството за Милан го врати Ибра од пенал во 77та минута, а победата ја завери Робињо шест минути подоцна.

Досегашниот лидер на табелата, Лацио падна од врвот откако загуби со 1-0 на гостувањето кај Чезена.

Единствениот гол за домаќините го постигна Пароло во 85та минута.

Интер не успеа да победи ниту на гостувањето кај Лече, натпреварот заврши 1-1.

Милито во 76та минута му донесе водство на Интер од 1-0, но радоста на Нероазурите траеше само три минути кога Оливера израмни на 1-1.

Powered by: 24 FUDBAL.com.mk